Ish-trajneri i Laçit, Gentian Mezani ka përjetuar një debutim fantastik në Gjirokastër te Luftëtari. Vetëm dy ditë pasi ka marrë drejtimin e bluzinjve, skuadra ka bërë kthesën e madhe në rezultate, pasi ka mposhtur 3-1 në shtëpi Teutën. Por përpos rezultatit, skuadra që u pa në fushë të kujtonte spektaklin që dhuronin një sezon më parë.
Në Gjirokastër “të keqen” duket se e kanë patur te trajneri slloven, Kostic, largimi i të cilit ndikoi pozitivisht, për të krijuar atmosferën e duhur në ekip. Vendasit u shfaqën me tepër grinte, duke dominuar kundërshtarin, derisa në minutën e 37-të, Vasil Shkurtaj, i shërbyer në zonë nga Radovic, mposhti portierit Hidi, 1-0.
shkurtaj gol on Vidnews.
Pavarësisht dëshirës së madhe që treguan në fushën e lojës “Djemtë e Detit” në minutën e 59’ ishte Rapo që dyfish rezultatin. Një gol fantastik nga jashtë që me shumë mundësi do të jetë edhe goli më i miri i sezonit për nga mënyra e ekzekutimit.
Mirëpo Luftëtari nuk u ndal me kaq. Vetëm 4 minuta më vonë, Vasil Shkurtaj ftoi në gjuajtje, po nga jashtë zonës, Milosavljev, me Hidin që detyrohet ta nxjerrë topin nga rrjeta për herë të tretë, 3-0.
Dalja me karton të kuq e Sidibesë, pas dy të verdhave të shpejta, sikur shënoi kapitullimin e plotë të Teutës, por formacioni i drejtuar nga Bledi Shkëmbi arriti të fitonte një 11-metërsh, që u shndërrua në gol nga Latif. Gjithsesi, ky gol nuk e rrezikoi suksesin e Luftëtarit, që “zgjohet” frikshëm me Mezanin në stol, sikur trajneri vlonjat të kishte shkopin magjik.
