Ai u rrit me frymën e urrejtjes për Manchser United, madje babai i tij i kishte ndaluar që të vishte rroba me ngjyrë të kuqe, pasi ishtnjë tifoz i zjarrtë i Leeds United. Bëhet fjalë për James Milner, zëvendëskapitenin e Liverpool.
Por tashmë mesfushori anglez shprehet se tashmë gjërat kanë ndryshuar dhe babai i tij është mjaft i lumtur kur e sheh të mbartë një fanellë me ngjyrë të kuqe, atë të Liverpool, ku u transferua në vitin 2015, si dhe nuk i pengon as fanellat e kuqe të cilën e mbanë vazhdimisht të veshur djali i tij.
“Po, është e vërtetë. Babai im ka ndikuar shumë te unë. Natyrisht, tifozët e Leeds Unitedit mësohen që në fëmijëri ta urrejnë Manchester Unitedit, si rivalë në futboll, kështu që ngjyra e kuqe nuk lejohej”, ka thënë Milner.
“Kurrë nuk kam pasur ndonjë bluzë me ngjyrë të kuqe apo diçka tjetër. Hera e parë që e vesha një fanellë të kuqe ishte kur luajta për Kombëtaren e Anglisë. Madje, ai bëri shaka kur u transferova në Liverpool dhe më tha se kjo do të ishte hera e parë që ai do të ishte i lumtur që do të më shihte të veshur me ngjyrën e kuqe.”
Milneri ka debutuar në futbollin profesionist në moshën 16-vjeçare me Leeds United. Që nga atëherë, ai ka luajtur në Newcastle, Aston Villa, Manchester City dhe tani në Liverpool.
