Kryedemokrati Basha sot foli për lirimin e Ermal Hoxhës nga burgu, ku sipas tij, u lirua për sjellje të mirë, pasi nuk nxori emrin e Olsi Ramës. “U lirua Ermal Hoxha për sjellje të mirë, se nuk nxori emrin e Olsit të Ramës, që është garantuesi i fabrikës së kokainës. Xhafaj dhe Tahiri kanë prova të përfshirjes së Olsi Ramës në laboratorin e drogës së Xibrakës”, tha Basha.
Kaq mjaftoi që një kundërpërgjigje e rrufeshme të vinte nga kryeministri Rama, ku teksa ironizon Bashën, vendos pikat mbi ‘i’ për Vetting-un.
“Ai krimineli është shoku i burrit të motrës së kundërshtarit tim. Mamaja e tij ka lidhje me tre komshi kriminelë. Krushku i njërit është trafikant që del i lidhur me kundërshtarin tim.
Shans për të marrë pushtet me zgjedhje unë s’kam. Prandaj dua Veting për lidhjet e tij me krimin”, shkruan ai përmes një statusi në Twitter.
