Zgjodhi rastësisht shkollën e artit, për të shmangur shërbimin e gjatë ushtarak në marinën detare. E megjithatë, Reshat Arbana, arriti të bëhej një nga aktorët më të shquar të skenës shqiptare. Lindi në Tiranë më 15 shtator 1940, në një familje të thjeshtë tiranase.
I ati ishte prodhues artizanal i qelesheve, ndërsa ai vetë filloi punë si mekanik makinash. Pas përfundimit të shkollës së artit, punoi disa vite në RTSH, para se të bëhej përfundimisht pjesë e Teatrit Kombëtar.
Arbana ka luajtur 45 role në teatër dhe film. Roli më i spikatur, siç e pranon edhe vetë, është ai i Isa Boletinit në filmin “Nëntori i Dytë”. Është angazhuar edhe pas viteve 1990, kryesisht në film. Ndërsa publiku adhuron interpretimin burrëror dhe tejet emocionues të disa poezive të vjetra, që janë ende aktuale për kohën.
Pengu më i madh i artistit është mosrealizimi i një filmi mbi komandantin legjendar të UÇK, Adem Jashari, ku ai do të luante rolin kryesor të Dardan Kosovës.
Përgatiti Tirana Today
