Ndjekje si në një film, kështu mund ta përshkruajmë një aksion të ndërmarrë nga deti dhe ajri, të kryer nga autoritetet italiane. Policia në saj të këtij super aksioni ka mundur të vërë në pranga dy shqiptarë, si dhe ka bllokuar skafin me 2 tonë drogë.
Mediat italiane bëjnë me dije se aksioni nisi në orët e para të mëngjesit, kur u njoftua se një skaf i ngarkuar po vinte nga Shqipëria drejt bregdetit italian. Roje bregdetare, helikopterë u vunë në aksion dhe në ndjekje të mjetit lundrues.
Lidhur me këtë ngjarje ka reaguar Policia shqiptare, e cila jep detaje për operacionin anti-drogë në Itali ku u kapën 2 ton kanabis dhe u arrestuan dy shqiptarë. Sipas policisë sonë, skafi me drogë nuk është nisur nga Shqipëria dhe sinjalizimin e parë e kanë dhënë autoritetet kroate.
Reagimi i policise shqiptare
Lidhur me lajmin e publikuar ne mediat italiane dhe me pas nga mediat shqiptare, Policia e Shtetit sqaron se:
Gomonia është sinjalizuar fillimisht nga Policia Kroate si e dyshuar në dalje nga ujërat e tyre territoriale.
Qendra Kombetare e Koordinimit (NCC) kroate dje rreth orës 22:30 ka njoftuar NCC italiane për një mjet të dyshimtë në dalje nga ujërat kroate.
Gomonia është pikasur nga Guardia di Finanza në zonën e Viestes në të njejtin drejtim të ujrave kroate.
Ne bordin e mjetit jane kapur 2 shtetas shqiptarë, A.L. 38 vjeç dhe A.A 36 vjeç, si dhe u sekuestrua rreth 1.700 kg kanabis.
Mjeti detar sipas hetimeve te deritanishme, nga policite e vendeve partnere, nuk eshte nisur nga brigjet shqiptare. Megjithate Policia e Shtetit po vijon shkembimin e informacionit me agjencite partnere per te hetuar mbi lidhjet e te ndaluarve si te perfshire ne kete veprimtari kriminale.
Policia e Shtetit, duke mbetur e hapur per çdo sqarim qe i sherben transparences ndaj publikut, fton mediat ta kontaktojne per konfirmim perpara se te publikojne lajmet qe lidhen me vendin tone dhe shtetasit shqiptar.
