Sherri vjehrrë-nuse që ka nisur muaj më parë në emisionin “E Diela Shqiptare”, tek rubrika “Ka një mesazh për ty”, me gjasë do të vijojë gjatë, pasi palët janë ende në konflikt se çdo të bëhet me fatin e nipit. Vjehrra ngulmon që të marrë nipin me vete, por më të rënda janë edhe akuzat që lëshon ndaj ish-nuses, se familja e saj është e papërgjegjshme, dhe se djali shikon porno me gjyshin. Kjo histori e cila ka hapur shumë plagë në rrethin e tyre familjar, është trajtuar po me aq intesitet edhe në emisionin “Me zemër të hapur”, në “News24”.
https://tiranatoday.com/ish-vjehrra-zihet-live-me-nusen-ne-emision-nipi-sheh-filma-porno-me-gjyshin/
Natasha është përballur live me ish-nusen e djalit, e duket se dyert e emisioneve janë kthyer në një mjet alternativ për gjetjen e zgjidhjes më të mirë të mundshme mes palëve, por kjo gjë duket si një mision i pamundur. Gruaja nga Saranda pretendon se nipi i saj, i cili tashmë është nën kujdestarinë e nënës së tij, dhunohet nga babai i Eglantinës.
“Për tërë gushtin e kam marrë Argentinin. Ndërsa për tërë vitin e marr në total 12 orë. Nipi im dhunohet nga gjyshi i tij. Ai ka treguar se gjyshi e rreh. Ai tregon se ka frikë nga ai, dhe se e rreh nënën e tij, Eglantinën. Babai i Eglantinës rreh edhe gruan. Madje u nxjerr edhe thikën. Gjyshi sheh filma porno në sy të nipit. Djali është i traumatizuar, nuk bëri një ditë plazh. Kërkuam urdhër-mbrojtjeje. Por prokuroria e rrëzoi kërkesën. Dua t’ju them se Argentini duket sikur është 20 vjeç nga ana e zhvillimit seksual”, është rrëfyer ish-vjehrra.
Historia e Eglantinës është bërë virale në rrjetet sociale, e ndërsa dy palët ende vijojnë të shfryjnë helm ndaj njëri-tjetrit. Një vit më parë, Natasha e akuzonte nusen se nuk dinte të rriste djalin dhe se donte të punonte, ndërsa Eglantina kërkonte djalin e saj dhe akuzonte vjehrrën se po i largonte fëmijën, duke i thënë se e kishte nënën kuçedër. Por historia nuk gjeti një zgjidhje tek Arditi, por si duket as edhe në proceset gjyqësore në gjykatë.
Çifti Armando dhe Eglantina u kthyen në të “famshëm” falë historisë së komplikuar të martesës së tyre, ndarjes dhe marrëdhenies nuse-vjehrrë.
“Unë djalin nuk e lë kollovar. Nëse Eglantina do të rrijë me djalin dhe fëmijën bujrum, dera ime është e hapur. Unë do t’i japë çelësat dhe unë iki në vend tjetër pa i bezdisur. Ata shkojnë me njëri-tjetrin. Unë s’jam pengesë për djalin tim. Dua ta shikoj të lumtur. Ajo duhej të më shikonte si shoqe. Të bëjë si të dojë, vajzat nuk mbarojnë”.
Ndërsa i kërkoi ish-nuses të lërë punën në Kuçovë, Natasha bëri akuza të rënda në drejtim të saj, duke aluduar për lidhje jashtëmartesore me një person të inkriminuar, sipas saj.
“Ta gjeta punën dhe ty s’të pëlqeu në Sarandë. Zgjidh e merr, punën apo fëmijën. Shëndetin e fëmijës nëse s’do t’i krijosh probleme psikologjike. Ti e di sa shumë e do detin ai, sa shumë e do gjyshen dhe babain”, ka thënë vjehrra, kur ishte e ftuar tek rubrika “Ka një mesazh për ty”.
Duke vazhduar akuzuat, Natasha shtoi: “Ti je e tmerrshme, je e sëmurë. Je një teatrin e Hollywoodit. Nënat nuk janë si ty që shikojnë qejfin e tyre dhe harrojnë fëmijën, që s’i japin qumështin fëmijës. Nëse unë në gjykatë do të nxjerr se me kë del jashtë shtetit ti, me persona të inkriminuar… Me Armandon putheni e ndukeni nëpër lokale”, akuzoi Natasha.
Ndërsa Eglantina e akuzoi vjehrrën si shkaktare për gjithë këtë situatë. Ajo thotë se e ka respektuar Natashën, madje ka marrë edhe kredi për të.“Po të them për herë të fundit: Ti je shkaktarja kryesore që unë jam këtu sot. Mua më vjen keq se ne të dyja kemi qenë si shoqe, dhe nuk më erdhi aspak mirë që mohove faktin që kam marrë kredi për ty zonjë e nderuar. Unë nuk mund të bëj më show, siç bën babai i djalit. Unë kam qenë 9 muaj me leje lindje në Sarandë. Unë i kam marrë ato dy kredi pasi jam njohur me Armandon, në qytetin e Sarandës”, deklaroi Egla.
