Presidenti i Serbisë ka mbajtur një fjalim para serbëve në Mitrovicën e Veriut. Ai i ka cilësuar si gënjeshtra deklarimet se shteti serb do ta njohë pavarësinë e Kosovës. “Javëve të fundit, dikush thotë se ne duhet ta njohim pavarësinë e Kosovës, por mund t’u them se kjo është një gënjeshtër e hapur. Kjo nuk do të ndodhë’, ka thënë presidenti serb.
Vuçiç është zotuar për kompromis, por ka theksuar se këtë nuk do ta bëjë në këmbim të të drejtave të serbëve në Kosovë. Qytetarëve serbë u ka bërë thirrje që të luftojnë për të drejtat e tyre në Kosovë. “Askush nuk do të na poshtërojë. Pastaj të më quajnë tradhtar. Unë nuk punoj kundër vendit tim, dhe nuk dua ta gënjej popullin tim”, deklaroi Vuçiç.
Që në orët e para të ditës, grupe protestuesish bllokuan rrugën në Skënderaj e pas kësaj, kryeministri Ramush Haradinaj njoftoi në rrjetin social Facebook, se i kishte anuluar presidentit serb vizitën në Drenicë, ku banorët zotoheshin të mos e linin atë të kalonte.
https://tiranatoday.com/situata-del-jashte-kontrollit-ramush-haradinaj-i-bllokon-rrugen-vucicit/
Sakaq, Ministri serb i Mbrojtjes, Aleksandar Vulin, pretendon se Vuçiçit i duhet të kalojë përmes kësaj rruge për të vizituar 5 qytete të tjera, e thotë se prapa kësaj bllokade, qëndron kryetari i Kuvendit të Kosovës, Kadri Veseli.
https://tiranatoday.com/ministri-serb-i-mbrojtjes-merr-masat-mjafton-urdhri-ushtria-eshte-gati/
Ai madje nuk heziton të nënvizojë faktin se ushtria serbe do të respektojë vendimet e presidentit të Serbisë, Aleksandar Vuçiç, që është komandanti suprem, pra nëse ai e kërkon, do të ndërhyhet.
Protesta e banorëve të Drenicës nuk është pritur mirë jo vetëm nga Aleksandër Vuçiç, por edhe nga Presidenti i Kosovës, Hashim Thaçi.
https://tiranatoday.com/anulimi-i-vizites-se-vucic-thaci-del-kunder-protestuesve/
Pasi presidenti serb anuloi vizitën e tij në Banjë të Drenicës, reagoi edhe Hashim Thaçi. Me një shënim në faqen e tij në Facebook, Hashim Thaçi sulmon qytetarët që dolën në protestë, duke bërë të pamundur vizitën e Vuçiçit, ndërsa thotë se ‘qytetarët duhet të tregohen më të kulturuar’.
