Më 24 shtator FIFA do të shpërndajë çmimet për vitin që lamë pas, ku një garë e fortë spikat edhe te “Trajneri më i mirë”. Tre finalistët e përzgjedhur nga institucioni më i lartë i futbollit janë Zinedine Zidane, Didier Deschamps dhe Zlatko Dalic. Padyshim favoriti në këtë përballje është francezi që u shpall kampion bote me kombëtaren franceze në Rusi.
Por edhe dy konkurrentët e tjerë kanë shanse reale për të rrëmbyer këtë çmim. Dalic udhëhoqi Kroacinë në atë sukses historik të kombëtares së tyre duke arritur në finalen e një Kupe Bote edhe pse nuk ishte favorite për të bërë diçka të tillë. Mënyra si shkuan kroatët në finale ishte spektakolare, pasi ndeshjet pas grupeve i kaluan të gjitha duke luajtur 120 minuta. Por një plus tretë për trajnerin kroat është se pati një kohë të shkurtër në dispozicion për të përgatitur skuadrën dhe ti impononte idetë dhe skemat e tij, por ia doli mjaft mirë të jetë surpriza e kompeëticionit më të madh të futbollit.
Zinedine Zidane, është trejneri që ka shkruajtur historinë në kompeticionin më të rëndësishëm europian, Champions League. Si kurrë më parë një skuadër nuk kishte mundur që të triumfonte dy herë rresht në këtë kompeticion, por Zizu bëri të pamundurën duke e fituar tre vite radhazi. Kujtojmë se në edicionin e parë të këtij çmimi, viti 2016, fitues u shpall Claudio Ranieri, i cili fitoi Premier Leaguen me Leicesterin.
Kanë rënë nga podiumi trajnerët e tjerë, të cilët nënshkruan një sezon të mirë, si Guardiola (fitoi Premier League), Valverde (fitoi La Liga), Allegri (fitoi Seria A), dhe të suksesshmit e tjerë të Botërorit si: Cherchesov (trajner i Rusisë), Roberto Martinez (Belgjika) dhe Southgate (Anglia), apo Klopp (finalist i Ligës së Kampionëve) dhe Simeone, fitues i Ligës së Europës.
