Për Topallin, krimi është ulur këmbëkryq, duke e kthyer Shkodrën në një ndër vatrat e kriminelëve. Teksa ka komentuar vrasjen mafioze dje në Shkodër, ajo i mëshon faktit se në qytetin e saj mbizotëron vetëm frika dhe hutimi.
“Ndërkohë që shkruaj këto radhë, një tjetër vrasje e tmerrshme është bërë në qytetin tim. Aty mbizotëron vetëm frika dhe hutimi. Askush nuk e siguron më jetën. Askush nuk i del më Zot. Dhimbje e madhe”, tha Topalli në një intervistë për “Shqiptarja.com”.
Uniformat blu kanë shoqëruar më shumë se 30 persona, por pa rezultat. Dy janë pistat ku po përqëndrohen mësë shumti hetimet; atë të përplasjeve mes grupeve kriminale, dhe një gjobëvënie të mundshme që mund t’i jetë vendosur 30-vjeçarit, i cili ka kundërshtuar dhe nuk ka paguar.
Dy personat që e shoqëronin Ferracakun, fatmirësisht i kanë shpëtuar plumbave të kallashnikovit, dhe mësohet se ata janë marrë në ruajtje nga policia.
https://tiranatoday.com/te-afermit-e-biznesmenit-te-vrare-mbahen-12-ore-ne-komisariat-zbardhen-deshmite-tronditese/
