“Tridhjetë familje me origjinë shqiptare, shumica e të cilëve janë azil kërkuese, janë kërcënuar me dëbim”, citohet të ketë thënë Maurice-Thorez në Bègles të Francës. Ata për një vit kishin qëndruan nipër apartamente të braktisura.
Në katin e 5-të të Kullës F, Marina, 56-vjeç kishte hapur derën për Maurice-Thorez, ndërsa ajo qëndronte aty që nga vjeshta që lanë pas.
“Ne e dinim se atje ishin edhe shqiptarë të tjerë, po binte shi, u ngjitëm në kullë, apartamenti ishte i hapur, i braktisur. Kështu që u vendosëm këtu”. Me burrin e saj dhe vajzën Elsa, 19 vjeç ata kërkuan azil, dhe u strehuan në banesë.
Mobilet e apartamenti i kishin gjetur me ndihmën e disa shoqatave, si në Emmaus. Një dyshek në dysheme, një divan që shërben si krevat në Elsën, madje edhe një televizor i vogël. Çdo gjë është e pastër, e mirëmbajtur, thekson Marina. “Kur arritëm, ishte një fatkeqësi”, kujton ajo.
Por sot, valixhet janë gati. Çifti dëshiron të kthehet në Shqipëri, në Gjirokastër, pasi u është mohuar kërkesa për azil. Vajza e tyre do të qëndrojë në Francë, me një vizë studentore, për të vazhduar studimet e saj në universitet për mjekësi.
“Ne kemi kërkuar një jetë më të mirë, por ne nuk mund të jetojmë me frikën e dëbimit, dhe të zgjoheni në orën 6 të mëngjesit për të parë nëse policia është aty”. Të martën, djali i Marinës u dëbua bashkë me gruan dhe foshnjën e tyre prej disa muajsh. Ata u zhvendosën në hotel, si familje me të mitur. Për të tjerët, asgjë nuk është planifikuar.
Dëbimet e kërkuara nga qiradhënësi, Villogia, janë legjitimuar me vendime gjyqësore, rast pas rasti. Për shkak se HLM, ka bërë të ditur se apartamente nuk mund të zihen nga persona pasi janë në procese rikonstruktimi. Por, qiradhënësi tani dëshiron të rimarrë pronën e tij. 8 apartamente janë evakuuar dhe janë instaluar dyert e blinduara. Dhe më 3 dhjetor, Villogia dëshiron që të gjitha apartamente të jenë të lirë.
Për t’i mbrojtur ata, disa qytetarë në Béglais dhe disa banorë të kullës kishin organizuar një konferencë të premten. Ata pretendojnë se kanë parandaluar dy dëbime një ditë më parë. Ata sigurojnë se prania e këtyre gjashtëdhjetë shqiptarëve ka bërë mirë për Kullën F. “Ne jemi shumë të lumtur të shohim fëmijët, të rinjtë, 50% e shtëpive ishin bosh dhe aty nuk jetonte asnjë njeri. Meqë shtëpitë janë të braktisura, të jetojnë shqiptarët”. Disa prej tyre janë duke punuar dhe thonë se janë të gatshëm të paguajnë qira në Villogia, e cila përgjigjet se kjo nuk është e mundur.
Burimi: francebleu.fr
Përshtati: Tirana Today
