Arsenal e nisi shumë keq Premier Leaguen këtë sezon pasi në dy ndeshjet e para nuk mori asnjë pikë. Ata u mposhtën nga Manchester City dhe më pas nga Chelsea, për të gjetur fitoren në ndeshjen e tretë përballë West Ham me rezultatin 3-1. Pierre Emerick Aubameyang është sulmuesi kryesor i skuadrës, por deri në këtë moment ai nuk ka shënuar asnjë gol. Sulmuesi nga Gaboni duket se nuk është aspak i shqetësuar për këtë pjesë dhe e ka marrë me shumë sportivitet.
Në stërvitjen e ditës së sotme ai ka marrë rolin e portierit dhe shokët e skuadrës provonin ti shënonin. Aubameyang ka treguar aftësi mjaft të mira edhe si portier, ku pas disa pritjesh mjaft të bukura ka pësuar edhe një gol. Ka qenë vetë sulmuesi që ka postuar videon në Twitter dhe shkruan: “Tre ndeshje pa shënuar gol. Më gjetën një punë të re!
