Mediat ndërkombëtare i kanë bërë jehonë lajmit mbi vendimin e qeverisë shqiptare, për të marrë 20 nga 150 emigrantët të cilët ndodheshin të bllokuar në anijen “Diciotti” në Itali. Në një intervistë për “Corriere della Sera”, shefi i ekzekutivit shqiptar shprehet se vendimi nuk është tregti me BE-në për çështjen e integrimit, pasi të gjithë duhet të bëjnë pjesën e tyre në lidhje me këtë çështje.
https://tiranatoday.com/emigrantet-rama-ska-tregti-me-be-evropa-te-zgjohet/
Lajmi se 20 emigrantë nga “Diciotti” do të silleshin në Shqipëri, mori vëmendjen e mediave italiane dy ditë më parë, ku Bushati përcolli vendimin.
Ministri i Jashtëm, Ditmir Bushati, ka reaguar për bllokimin e refugjatëve në një anije në Itali. Nëpërmjet një statusi në rrjetin social në Twitter, Bushati është shprehur se Shqipëria është gati të ndihmojë Italinë.
“Ne nuk mund ta zëvendësojmë Evropën, por ne jemi gjithmonë këtu, në anën tjetër të detit ku dikur ne po vuanin ditë e natë në det, duke pritur që Evropa të zgjohet! Dje, Italia na shpëtoi, sot ne jemi gati për t’i dhënë një dorë”, ka shkruar ai më herët në Twitter. Kjo pasoi edhe me rebelimin e klasës politike në Shqipëri.
https://tiranatoday.com/ne-91-u-arratis-me-anije-drejt-italisedeputeti-shuplake-bushatit-mendoni-vetem-per-pushtet/
https://tiranatoday.com/manjani-perplaset-me-bushatin-sjemi-qendra-e-refugjateve/
Po kështu, menjëherë pati një reagim nga ministri i Jashtëm Italian, Enzo Moavero Milanesi, i cili falenderoi Shqipërinë. Pas tij erdhi edhe reagimi i ministrit të Brendshëm, Matteo Salvini, një kritik ndaj Shqipërisë. Por në këtë rast ai shprehu mirënjohje për qeverinë shqiptare, ndërsa tha se Francës duhet t’i vijë turp, e cila nuk dha ndihmën e saj si një vend i BE.
Të gjitha mediat italiane i referohen deklaratave të ministrit Bushati, dhe kryeministrit Rama.
“Kur eritreasit ishim ne”: Shqipëria nuk harron dhe mirëpret 20 emigrantë nga “Diciotti”, ishin disa nga titujt e mediave italiane.
Por Shqipëria ka tërhequr vëmendjen edhe të mediave britanike.
Express britanik shkruan: “Turp për ty Francë!” Salvini sulmon Makronin, Shqipëria i vjen në ndihmë”.
Ndërsa Washington Post shkruan: “Kisha katolike, Shqipëria, Irlanda marrin emigrantët”.
