Për të gjithë shoferët e pakujdesshëm, të cilët kthehen në burim aksidentesh, policia duket se ka gjetur zgjidhjen ideale. Monitorimi tashmë po bëhet edhe me dron, për të evidentuar në kohë reale çdo shkekje të mundshme nga ana e drejtuesve.
Me anë të një postimi në faqen e Facebook-ut, policia bën me dije se me dron po dallohen qartësisht të gjitha parakalimet e gabuara.
Sipas tyre, ky është një “ilaç” efikas kundër parakalimeve të gabuara në kthesa e vende të padukshme. Policia shton se në të gjitha akset rrugore po monitorohet me dron, sidomos në segmentet e evidentuara si “njolla të zeza” të trafikut.
