Një aksident hekurudhor është regjistruar paraditen e sotme në Kavajë. Burime nga policia thonë se ngjarja ka ndodhur në afërsi të “Përroit të Agait” në Golem, ku një tren pasagjerësh ka përplasur një automjet tip “Volvo”, me targa J006 SMM, që kalonte mbi shina.
https://tiranatoday.com/treni-merr-100-metra-para-nje-makine-ne-kavaje-plagosen-anetaret-e-nje-familje/
Në mjet ndodheshin 6 anëtarët e një familje, prindërit dhe katër fëmijët, të cilët kanë marrë plagë të lehta. Të njëjtat burime konfirmojnë se personat e lënduar janë transportuar me urgjencë drejt spitalit, për marrjen e ndihmës së duhur shëndetësore.
Bluzat e bardha po kështu konfirmojnë se ata ndodhen jashtë rrezikut për jetën. Uniformat blu ende nuk kanë dhënë detaje në lidhje me shkaqet e aksidentit, por dyshohet një kalim i gabuar i drejtuesit të mjetit.
