Akademiku Artan Fuga ka trajtuar një temë mjaft të ndjeshme, që na prek të gjithëve pa përjashtim. Në pikun e sezonit turistik, kemi parë edhe çadra boshe, për shkak të pamundësisë së portofolit të një kryefamiljari, por më e rëndë është edhe fakti se sa është rrënuar pasuria publike.
Në një analizë, e cila të bën të reflektosh, e ku e ka quajtur: “Privatizimi i diellit”, profesori përçon idenë se ky është një rrënim i qëllimshëm, për ta degjeneruar publiken në favor të privates, ku e paguajnë qytetarët.
Përpos çmimeve stratosferike, të cilat nuk llogariten, pasi duhet ti marrësh parasysh para se të shkosh e të qetësohesh në atë territor, duket se privati do na shtojë në listë edhe diellin.
Pavarësisht se teksti është ironik e nganjëherë të vjen të qash për këtë gjëmë që na ka gjetur, Fuga thotë se jemi në atë drejtim që do na privatizojnë edhe diellin, pas ‘privati jep diell me cilësi më të mirë se sektori publik’.
