Shpesh abuzojmë duke qëndruar për orë të tëra në plazh, e pa marrë një krem mbrojtës. Rrezet e diellit japin efektet e para, e pas shumë orësh, skuqja fillon e agravohet. Nënat e dinë sekretin për një lëkurë të shëndetshme, duke na lyer me kos. Por ja që ka edhe disa mënyra të tjera, të cilat do na shërojnë menjëherë.
Ju mund të përdorni çajin jeshil, të pasur me molekura antioksidante të njohura gjerësisht për vetitë e tyre anti-inflamatore. Vendosni bustinën e çajit jeshil në një enë me ujë të ftohtë, dhe prisni që përbërësit të depërtojnë në ujë. Më pas, lyeni zonat problematike dhe përsëriteni këtë veprim çdo 2-3 orë.
Po lëkurën e patates, e keni përdorur ndonjëherë? Mjafton të ndani një patate në feta të holla, të cilat më pas t’i vendosni në trup. Qëndroni shtrirë rreth 1 orë, duke i lënë copat të veprojnë sa më gjatë.
