Tre shqiptarë e tre grekë janë arrestuar nga policia greke si pjesë e një bande që trafikonte drogë.
Banda shiste kokainë dhe droga sintetike në Athinë dhe Mikonos. Hetimi për të arrestuarit kishte nisur prej disa kohësh dhe përfundoi dje me sukses.
Tre shqiptarët janë të moshave 26, 28 dhe 33 vjeç, ndërsa tre grekët të moshës 28, 31 dhe 45 vjeç. Arrestimet janë bërë në disa zona të Atikës dhe në Mikonos.
Pas kontrolleve në banesa dhe makina është sekuestruar 4 kilogramë kokaine, 5 kilogramë metamfetaminë, 350 gram kanabis dhe 99.495 euro.
Po ashtu janë kapur edhe një pistoletë, njëzet e dy fishekë, dy makina, një motor, tre peshore saktësie dhe 16 telefonat celular, raportojnë mediat greke.
