Shqiptari nuk u zuri mend. Ai ka hyrë sërish ilegalisht në Britani të Madhe, për tu kujdesur për një fermë me kanabis në Derby që kishte pothuajse 200 bimë. Gjykata e Derbyut, ka bërë të ditur se shqiptari Bledar Lala, ishte dëbuar për në Shqipëri në dhjetor të vitit 2016, pasi kishte kryer 2 vjet burg, pasi ishe kapur me drogë.
Por, ai këtë herë u gjet i fshehur brenda një ndërtese në një rrugë të Londrës, kur policia kreu një operacion droge më 7 qershor të këtij viti. Në saj të kontrollit policia zbuloi 191 bimët kanabisi në fazave të ndryshme të rritjes në një numër dhomash. Lala u arrestua dhe kur u pyet pranoi se ai ishte kthyer nga Shqipëria për shkak se i detyrohej 18,000 paund një tregtari droge.
Gjykatësi Shaun Smith QC tha: “Unë parashikoj se në përfundim të dënimit tuaj ju do të dëboheni përsëri nga Zyrat e Emigracionit’. Katrina Wilson, duke ndjekur akuzat, tha se policia ka bastisur pronën Londër rreth orës 9 të mëngjesit më 7 qershor.
Mis Wilson tha: “Ai u burgos në Old Bailey në vitin 2015 për 48 muaj për posedim me qëllim furnizimin me drogë të klasës A dhe u deportua nga vendi në 2016. Nuk dihet saktësisht kur u kthye në Britani të Madhe, por në intervistën e për policinë ai u tha atyre se ai kishte ardhur në Derby rreth tre muaj para arrestimit të tij. Ai u tha atyre se ai kishte për të shlyer një prej 18,000 eURo dhe kishte rënë dakord të rriste kanabis për ta shlyer atë.”
Ndërsa avokatja mbrojtëse Emma Hodgson, tha se klienti i saj fillimisht u përfshi në drogë në Shqipëri dhe udhëtoi në Britani të Madhe për të fituar para për të ndihmuar nënë e tij që të shërohej pasi buante nga një sëmundje e rëndë. Ajo tha: “Pas dëbimit të tij përsëri në Shqipëri ai mori kërcënime nga njerëzit që ai iu kishte borxh dhe ai u përfshi përsëri në drogë në përpjekje për të shlyer borxhin. Që nga arrestimi i tij ai ka gjetur punë në kuzhinën e burgut, ai është duke mësuar gjuhën angleze dhe synimi i tij, është se kur të kthehet në Shqipëri të gjejë një punë në industrinë e ndërtimit.
Burimi: derbytelegraph.co.uk
Përshtati: Tirana Today
