Neymar flet me admirim për Ronaldon: Ai do e shkundë futbollin italian

Ylli brazilian Neymar ditën e sotme ka vendosur që të sqarojë të ardhmen e tij dhe ai ka vendosur që ti qëndrojë besnik PSG-së. Gjatë intervistës për L’equipe ai ka komentuar edhe kalimin e Cristiano Ronaldos tek Juventusi. Ai ka folur me shumë admirim për yllin portugez, madje edhe kur janë përballur kanë treguar se kanë raporte shumë të mira mes tyre.“Kalimi i Ronaldos tek Juventusi do shkundë futbollin italian, do të jetë futbolli italian që kam parë kur kam qenë fëmijë. Cristiano është një lojtar i madh, një legjendë e futbollit. Ai duhet të respektohet dhe jam i lumtur me vendimin e tij. Duhet të ketë qenë një zgjedhje e vështirë, dhe i uroj fat të mbarë, po jo ndaj PSG-së.”–deklaroi Neymar.