Cristiano Ronaldo ka vendosur që të largohet nga Real Madridi dhe nuk ka kthim pas. Ai pritet ti bashkohet Juventusit dhe tashmë ka mbetur vetëm për tu gjetur akordi mes klubeve. Sky Sport zbulon se Ronaldo ka telefonuar trajnerin e Napolit, Carlo Ancelottin, me të cilin ka kaluar një periudhë mjaft të mirë në Madrid dhe gëzon një respekt të madh profesional dhe miqësor.
Raportohet se portugezi i ka kërkuar informacione trajnerit italian për Juventusin dhe futbollin italian në përgjithësi. Lajmin e konfirmon dhe Corriere dello Sport, e cila zbardh edhe disa fjalë të cilat Ancelotti i ka thënë yllit portugez: “Trajneri Allegri është ideal për ty”.
Një pohim i tillë duket një fakt më tepër,i cili të bindë se kalimi drejt Italisë mbetet një arsye e fortë për të besuar se Ronaldo të do të vishet me fanellën e Juventus. Por më parë Juventusi duhet të plotësojë kërkesat e presidentit të Real Madridit, Florentino Perez, i cili duket se nuk është dakord për 100 milionë euro.
