Amabsadori amerikan Donald Lu i cili largohet nga Shqipëria këtë verë, ka lëshuar sërish mesazhe të qarta për arrestimin e peshqve të mëdhenj. Ndërsa mosarrestimin e tyre ia ka faturuar direkt kryeministrit Rama, ministrit Xhafaj dhe kryeprokurores, Arta Marku, kur kërkoi se përse nuk është arrestuar ende Klement Balili.
Megjithatë, ai iu rikthye sërish çështjes së Saimir Tahirit dhe Adriatik Llallës, kur theksoi se për ata janë ende në proces hetimi dhe për ta nuk ka mbaruar asgjë. Për këtë arsye, ai bëri apel që peshqit e mëdhenj të arrestohen.
Donald Lu për Tahirin dhe Llallën:Shqipëria mbështeti arrestmin e trafikantit të madh Met Kanani në Turqi. Dogana shqiptare zbuloi 613 kg kokainë kolumbiane që çoi në zbulimin e trafikantit Arbër Çekaj. Kryebashkiaku i Lezhës Fran Frrokaj dhe ish-kryebashkiaku ndiqen penalisht. Emiljano Shullazi dhe Lul Berisha po gjykohen. Hetimi kundër Saimir Tahirit dhe Adriatik Llallës vazhdon. Shumë aktivitet për një periudhë të shkurtër kohore, por duam të shohim rezultate konkrete. Duam që peshqit e mëdhenj të dënohen, ku do të ishte sukses.
Mosarrestimi i Balilit: “Dua të theksoj një dështim të qeverisë, prokurorisë dhe polici, dështimi për të arrestuar Kelmend Balilin. Balili është një bos i fuqishëm i krimit të organizuar me lidhje politike. Për dy vjet policia, qeveria dhe prokurorët nuk kanë pasur aftësinë ose vullnetin që ta arrestojnë. Askush nuk është mbi ligjin. I bëjmë thirrje Kryeministrit Rama, ministrit Xhafaj, policisë dhe prokurorëve që të vazhdojnë luftën kundër krimit të organizuar pa mëshirë”, u shpreh ambadori Lu.
TIRANA TODAY
