Ministri i Brendshëm Fatmir Xhafaj zhvilloi një takim informal me ministrin e Brendshëm të Malit të Zi, Mevludin Nuhodzic gjatë ditës së sotme në Shkodër.
Dy ministrat konstatuan nivelin shumë të mirë të bashkëpunimit mes vendeve tona dhe folën për thellimin e këtij bashkëpunimi, sidomos me operacione të përbashkëta mes 2 policive.
Ata trajtuan çështje që lidhen me projekte te përbashkëta ndërkufitare, për të siguruar mbështetje financiare dhe asistence nga BE.
Ministri Xhafaj dhe Ministri Nuhodzic diskutuan gjithashtu mbi masat shtesë për lehtësimin e lëvizjes në pikat e kalimit kufitar mes Shqipërisë dhe Malit të Zi, në muajt e sezonit turistik veror ku ka një fluks peshuesish.
Këtu u trajtuan çështje te bashkëpunimit më të mirë ndërkufitar, përfshi kontrollin e përbashkët të kufirit midis 2 vendeve si dhe lehtësimin e mëtejshëm të lëvizjes në PKK duke mundësuar procedurën e vetëm një kontrolli në hyrje dhe në dalje.
Dy ministrat, të shoqëruar nga ekipet me drejtues të policive, ndanë mendime dhe trajtuan çështjen e përballimit të një fluksi te mundshëm migrator nga vendet e treta.
Ministri Xhafaj solli në vëmendjen propozimin e bërë nga ai në Trieste, për ngritjen e Qendrës së Përbashkët Rajonale Policore, që do të trajtojë këto problematika, propozim që po trajtohet edhe nga pala malazeze.
Dy ministrat e Brendshëm e mbyllen takimin me një inspektim të përbashkët në Piken e Kalimit te Hanit te Hotit, ku panë nga afër masat policore për sezonin turistik.
