“400 milionë euro për Neymar? Jo të gjithë kanë pus nafte”

Transferimi i Neymar në Madrid diskutohet dita ditës dhe së fundmi për këtë ka folur edhe presidenti i La Ligas, Javier Tebas. Bëhet fjalë për një shumë rekord parash që Reali duhet ti paguaj PSG-së dhe kjo arrin në 400 milionë euro. Këtë çmenduri e ka hedhur poshtë Tebas, pasi u shpreh se emiri Katarit hap pusin dhe paguan, ndërsa Reali duhet ti nxjerrë nga sporti paratë.“Unë nuk kritikoj PSG për shifrën stratosferike me të cilën blenë Neymar nga Barcelona. Unë rishikova burimin e atyre parave për transferimin. Ajo shumë parash nuk vinte nga të ardhurat që gjeneronte PSG nga bizneset e veta të industrisë sportive.  Nëse Neymar kushtoi miliona, kjo është për shkak të emirit të Katarit, që është pronari i klubit, sepse ai hap pusin dhe paguan miliona”, deklaroi presidenti Tebas në një intervistë për revistën ‘Club del Deportista’.“Unë ju konfirmoj se Madrid nuk do të paguajë 400 milionë euro për të blerë Neymar, por shifrat dhe numrat që Real Madrid gjeneron mund t’ju vendosë ju në pozita shumë të përafërta për të realizuar këtë transaksion”, konfirmoi kreu i La Liga.