Andreas Schieder, Raportuesi i Shqipërisë në Parlamentin Europian, ka dalë sot, 30 janar, në një konferencë për mediat.
Ai tha se “takimet në vendin tonë, në përgjithësi kanë qenë të suksesshme”, duke shtuar se lufta ndaj korrupsionit duhet fuqizuar.
“Në këtë vizitë unë u përqendrova edhe te politikat sociale kur fola me përfaqësuesit e komisionit treplaësh, sepse cilësia e një dialogu të mirë është shumë i rëndësishëm dhe roli i shoqërisë civile duhet të përmirësohet”, deklaroi ai.
“Sigurisht që kur vjen në Shqipëri, lexon shtypin, por dëgjon edhe aktorët e ndryshëm. Së pari, Parlamenti Europian nuk komenton çështje juridike apo ligjore, megjithatë institucionet duhet të bëjnë punën e tyre, me gjetjet e tyre, në bazë të legjislacionit, kemi thënë që institucionet duhet të mbështesin punën e SPAK-ut. Natyrisht nuk është për ne që të ndërhyjmë apo të komentojmë ndonjë rast specifik”, theksoi ai, kur u pyet për çështjen e zv.kryeministres Belinda Balluku.
Negociatat Shqipëri-BE
Ai u ndal edhe te protestat e fundit të opozitës, duke sugjeruar se “duhet shmangur dhuna” dhe se “Shqipëria duhet të ketë një qasje të bashkuar”.
“Mësova kohët e fundit se në Kuvend ka unaninimtet për didsa cështje të jashtme, uroj të ndryshojë kultura edhe në çështje të tjera”, u shpreh ai.
Tha se Shqipëria ka pasur një ecuri madhore në negociatat me Bashkimin Europian.
“Shqipëria do vazhdojë të jetë pararojë për zgjerimin, për mbylljen e kapitujve nuk është vetëm te miratimi i legjislacionit, që ne e kënaqëm BE-në, por duhet bërë për harmonizim më të mirë të standardeve këtu dhe atyre në BE. Edhe pas miratimit të legjislacionit ka goxha punë për të bërë”, nënvizoi Schieder.
“Situata më pak dramatike nga se raportohet në media”
Sipas Schieder, shpesh mediat pasqyrojnë një realitet shumë më dramatik nga çfarë është në të vërtetë. Deklaratë kjo, referuar protestës kombëtare të 24 janarit.
“Personi që i dha emrin ktij koktejli molotovësh (referuar Sali Berishës), duhet ta themi se kontributi i tij në histori nuk ka qenë vetëm pozitiv, besoj e dimë.
Së dyti dhe ta themi qartazi, javën e shkuar pamë fotografi në media për protestat në Shqipëri që dukeshin dramatike, pastaj vjen këtu dhe sheh një situaëtë shumë më pak dramatike. Duhet të jemi të ndërgjegjshëm edhe për perceptimin që ju prodhoni në media për mendjet e qytetarëve”, iu tha ai gazetarëve.
Më tej, nënvizoi se demokracia në vendin tonë po funksionon mirë.
“Ka debat deri në orën 4 të mëngjesit në Kuevnd. Ka hapësirë për deputetët e opozitës dhe mazhorancës për të diskutuar.”
U pyet edhe për deklaratat e kryedemokratit Sali Berisha në Strasburg.
“Mos më bëni pyetje për gjithçka thotë Berisha sepse pastaj do më duhet të dal nga roli im institucional“, përfundoi Raportuesi i përhershëm për Shqipërinë në PE.
