Gazetarja e Deutsche Welle, Anila Shuka, ka nxjerrë zbuluar ministren e Drejtësisë Etilda Gjonaj. Me anë të një postimi në rrjetin e saj social “Facebook”, gazetarja ka shkrua lidhur me reagimin e fundit që ka marrë nga ministrja e Drejtësisë Etilda Gjonaj, pas një kërkese
Shuka shkruan se ministrja e drejtësisë i kishte vendosur kushte që gjatë intervistës, të mos e pyeste për Fatmir Xhafaj dhe Saimir Tahirin.
E revoltuar gazetarja shkruan se sa e çuditshme është Reforma në Drejtësi në këtë vend.
Sipas saj, gazetarja nuk mund të pranonte kushtin e ministres për të mos e ushtruar këtë pyetje, pasi do të shkelte etikën e gazetarit.
“Sa e besueshme është reforma e gjyqësorit në Shqipëri, pra Vettingu, po të kemi parasysh rastet tejet të çuditshme të Fatmir Xhafajt dhe Saimir Tahirit?
Këtë pyetje doja t’ia shtroja ministres së Drejtësisë, në një intervistë që kishim lënë për dje pasdite.
Për fat të keq, ministrja paskësh pasur përfytyrime të tjera për intervistën, dhe tha se mund të jepte intervistë vetëm nëse nuk do ta pyesja për dy personat ne fjalë. Do të ishte shkelje e etikës gazetareske ta pranoja këtë kusht”,-shkruan gazetarja në Facebook.
