Ditën e sotme ka pasur të reja mbi të ardhmen e ish-trajnerit të kombëtares shqiptare, Giani De Biasi. Pas shkarkimit nga spanjollët e Alaves, ai pritet që të rikthehet sërish në pankinë, por këtë herë në një ligë tjetër.
Në media kohët e fundit ishte përfolur se tekniku italian po kërkonte një tjetër eksperiencë të re në drejtimin e një Kombëtareje, pas suksesit historik me Shqipërinë, por sipas të gjitha gjasave ai do të përfundojë në Zvicër.
Sipas asaj që raporton “Tuttomercatoweb”, De Biasi ka marrë një ofertë konkrete nga Lugano, ndërsa në këtë moment janë duke u diskutuar vetëm termat financiarë, përpara arritjes së marrëveshjes.
