Ministria e Brendshme është kthyer në një vend ku gjejnë qetësi e shprehin revoltën e hapur të rinjtë demokratë dhe të LRI-së. Kryefjala e tyre nuk është vetëm një emër, por emri i Xhafës është më i lakuari, si një ndër ngërçet për integrimin në BE.
Ekspozita e tyre me thirrje për largimin e personave të inkriminuar, me gjithë elementët e një proteste paqësore, nuk prodhoi asnjë rezultat, por vetëm një menefregizëm nga ana e qeverisë. A ka diçka që nuk shkon në këtë tablo? Apo të rinjtë, të kthyer në një ushtri që zbatojnë urdhërat e liderit, nuk përbëjnë asnjë risi në parashtrimin e problematikës?! Në këtë pjesë, le vend për shumë diskutime, por kërkesat e tyre kanë shkuar në vesh të shurdhët.
Teksa protesta po mbahej në Tiranë e objektivi ishte në Vlorë, të rinjtë mësyn drejt pikës strategjike, duke ngritur një dron me mesazhin: “Mjaft i zgjodhi mafia dhe droga ministrat, ta zgjedhë edhe një populli”.
Pikë së pari, ngritja e dronit nuk përbën asnjë risi.
Ky mjet gjeti përkrahje në fushën e sportit, por për këtë mini protestë, ishte veçse një zgjedhje që nuk pati produktivitet. Çfarë i mungon kësaj proteste për të sjellë diçka inovative?
Për ta, qeveria është në shërbim të oligarkëve dhe po largon të rinjtë nga Shqipëria. Mos vallë dështimin, duhet ta lidhim ngushtësisht edhe me kreun e forcës që i përkasin? Nëse kthehemi pas në kohë, kujtojmë këtu faktin se pjesëmarrja në protestën e 26 Majit, ku moto e saj ishte largimi i ministrit Fatmir Xhafaj dhe qeverisë Rama humbi shkëlqimin, pasi vemendjen ia mori dhunimi i gazetarit.
Plagosja e kryeredaktorit të “Rilindjes Demokratike”, Bledi Kasmi, gjatë protestës së organizuar nga opozita, e shtyu menjëherë Partinë Demokratike të dalë duke thirrur për skandalin e një gazetari të plagosur. Basha vërtet acaroi turmën, por në fund rezultati ishte zhgënjyes, vemendjen ia mori gazetari./ M.S
Tirana Today
