28 vite pas rënies së diktaturës, policia sillet ende brutalisht me qytetarët. Ardian Kallmi dhe Enea Ftoj, janë viktimat e fundit të dhunës policore.
Sipas dëshmive, në të dyja rastet, autorët kryesorë kanë qenë shefat e komisariateve. Autoritetet mohojnë akuzat, ose mjaftohen vetëm me pezullimin e ndonjë punonjësi.
Vetëm më 2016-ën, pati 163 ankesa për dhunë në qelitë e komisariateve dhe burgjeve. BE ka harxhuar miliona euro për burgje të reja, dhe trajnimin e policëve shqiptarë.
Sërish dhuna fizike dhe psikologjike, është metoda kryesore e “punës operative”. Edi Rama na e thotë shpesh:Kjo është policia që duam!
Nëse e ka seriozisht, duhet të synojë të anëtarësojë vendin jo në BE, por në Bashkimin Euroaziatik që drejtohet nga Rusia e Vladimir Putinit.
TIRANA TODAY
