Ish-trajneri i Interit: Cassano vlen zero si person, është gënjeshtar

Antonio Cassano ka befasuar pak ditë më parë me deklaratën e tij se në një përplasje me ish-trajnerin e Interit, Andrea Stramaçonin kishte pasur një konfrontim fizik. “Vështirë të kem arritur në karrierën time që të kapem me duar me dikë, por me atë ishte e drejtë që ta bëja. Ishte një person që nuk më pëlqente, më i keqi që kam takuar ndonjëherë në karrierën time në futboll”.Por pasi ky detaj ka dalë në media, edhe “Strama” ka vendosur që të kundërpërgjigjet, por duke akuzuar si gënjeshtar Cassanon: “Tani ka ardhur koha që të flas edhe unë, sepse nuk e pranon dot që e vërteta të shtrembërohet. E vërteta e sherrit është shumë e thjeshtë…Një person tek Interi, në atë periudhë, më shpjegoi se Cassano kishte nisur që të fliste hapur keq për mua, me shokët e skuadrës dhe me pjesëtarë të stafit të klubit. Brenda qendrës stërvitore ai kishte nisur një aksion kundër meje, ndërtimin e klaneve kundër meje, madje duke nisur që të bënte edhe politikë ‘pro Maxarrit’, duke nënvizuar se sa i zoti ishte Valteri kundrejt meje.Cassano po punonte për të më larguar mua dhe për të promovuar Maxarrin, sepse kishte frikë se sezonin e ardhshëm, unë nuk do ta kisha konfirmuar, ndërsa ishte i bindur se do të bënte pjesë në planet e Maxarrit. Një ditë pasi mësova këtë, e prita në fund të ndeshjes, u përballëm sy më sy dhe ai e mohoi gjithçka kishte bërë, si gënjeshtar dhe person falso që është.Ia thashë në sy që vlente zero si person, sepse nëse nuk do të kishte qenë për mua, Cassano nuk do shkelte kurrë tek Interi. Dhe sa për të më vënë duart në trup mua, edhe kjo është një gënjeshtër e madhe e tij, sepse as tentoi të më afrohej. Kjo është e vërteta e vetme”, theksoi Andrea Stramaçoni.