Sekretari i Përgjithshëm i PS, Taulant Balla ka ironizuar protestën e sotme të PD. Në një koment në Facebook ai thotë se Sali Berisha dhe Lulzim Basha sot morën një shuplakë nga qytetarët.
Balla shkuan se edhe Saliu nga kjo histori që e sajoi vetë, tani u bë me tre çuna: Shkëlzenin, Lulin dhe Babalen!
Postimi i plotë i Taulant Ballës
“Pjesëmarrja qesharake dhe bojkoti nga militantë tipikë demokratë në pseudo-protestën e sotme ishin shuplaka që Sali Berisha dhe Lulzim Basha morën sot për arsyen pse u thirr kjo protestë.
Qytetarët jo-simpatizantë të së djathtës, por edhe militantë të PD nuk e besuan dhe nuk e besojnë në shumicë të ashtuquajturin “video-përgjim”. Loja e ka kush e ka për autorin e përgjimit që Luli thoshte e ka Babalja, Babalja thoshte e ka gazetari, gazetari tha në fund e ka PD, e zbardhi shantazhin e paskrupullt, të ngritur mbi një rregjistrim të montuar, dhe ku autoresia mbeti jetim në prehrin e hall-madhit Sali.
Dhe Saliu nga kjo histori që e sajoi vetë, tani u bë me tre çuna: Shkëlzenin, Lulin dhe Babalen!
Saliu e di të vërtetën, sepse e prodhoi vetë kasetën me Babalen, por e futi me qëllim Lulin në këtë aventurë, duke e urdhëruar Kryetarin në detyrë të PD-së të dalë në një protestë për një personazh grotesk. Qëllimi i Saliut është destabilizimi i vendit, me qëllim bllokimin e drejtësisë. Por e ka shumë gabim. Drejtësia e re është në rrugë të mbarë…”.
