Skënderbeu të mërkurën u kurorëzua kampion i sezonit 2017-2018 i Kategorisë Superiore në Shqipëri edhe pse u mposht me rezultatin 5-1 nga Vllaznia. Korçarët festuan në fushë me tifozët në momentin që iu dorëzua titulli kampion. Ka qenë një vit mjaft i vështirë për Skënderbeun, pasi përpos angazhimit në tre kompeticione njëkohësisht, kanë vuajtur edhe presionin e një dënimi drastik nga UEFA të cilin e kanë ankimuar në CAS. Por djemtë e Ilir Dajës ia kanë dalë mjaft mirë ta mbyllin kampionatin matematikisht disa javë para përfundimit dhe të jenë finalistë të Kupës.
Festa të mërkurën në Korçë ka vazhduar edhe pasi janë largua nga stadiumi, lojtarët janë grumbulluar në një lokal ku kanë festuar deri në ore=ët e vona të mbrëmjes nën shoqërinë e këngëtarit Klajdi Haruni. Qendërmbrojtësi Tefik Osmani ka shpërndarë një video në Facebook nga festa dhe e ka quajtur #SuperHiti. Të gjithë lojtarët sëbashku kanë kënduar këndën e famshme, “Oj lulia jonë me limona, kush na ka inatin iu …. nona.”
