Gjatë performancës së Britanisë së Madhe, në finalen e Eurovision, dikush hyri në skenë dhe i mori me forcë mikrofonin këngëtares Surie. “Nazistët e medias në Mbretërinë e Bashkuar, kërkojmë liri”, tha ai.
Më vonë u bë e ditur se personi ishte një reper shqiptar që jeton në Mbretërinë e Bashkuar, quhet Kostandin e njihej me nofkën Dr.A.C. Por çfarë ka ndodhur me të pas arrestimit?
Mediat e huaja bëjnë të ditur se Kostandini është liruar me kusht. 
“Menjëherë pas incidentit ai është marrë në pyetje nga policia dhe u mbajt në paraburgim deri të hënën. Tani është liruar me kusht, në pritje të rezultatit të një hetimi policor”, tha Unioni Europian i Transmetimeve.
