Juria italiane e vlerësoi me zero pikë përformancën e Eugent Bushpepës në Eurovision, duke habitur kështu gjithë shqiptarët. Nga ana tjetër Shqipëria i dha pikët maksimale përformancës së Ermal Metës dhe Fabrizo Moro, i cili përfaqësoi Italinë në këtë kompeticion muzikor.
Duket se pikërisht ky “përjashtim” i Shqipërisë nga pikët, ka bërë që të reagojë edhe Ermali i cili shkruan se nuk e kupton këtë lloj vlerësimi.
“Sinqerisht nuk i kuptoj 12 pikët e jurisë italiane. Unë do t’ia kisha dhënë Shqipërisë. Zëri i Eugentit është mbresëlënës”, ka shkruar Ermali në një postim në Twitter.
