Një organizatë kriminale shqiptare që vepron në shtëpitë me qira, është çmontuar në Bruksel. Autoritet bëjnë të ditur se në pranga kanë rënë 5 shtetas shqiptarë, në sajë të ndërhyrjes së ekipit të policisë të zonës Montgomery. Ata merreshin me prodhimin dhe trafikimin e kanabisit.
Të mërkurën, tre persona u arrestuan dhe u vendosën nën urdhër arresti pas zbulimit të 20 kg kanabi në WoluWe-Saint-Pierre, Schaerbeek dhe Nossegem.
Sipas informacionit tonë, pesë arrestime të reja i janë bashkuar dosjes. “Të 5 shqiptarët u vendosën nën urdhër arrest”, konfirmon zëdhënësi i zyrës së prokurorisë së Brukselit.
E gjitha filloi të dielën e kaluar gjatë një kontrolli rutinë në rrugë. Një automjet ishte ndaluar nga policia e zonës së Montgomery.
Shoferi pretendoi se banonte në Woluwe-Saint-Pierre. Por, ai u shfaq shumë i nervozuar dhe stresuar përpara efektivëve, ku ngjalli dyshime dhe ata e kontrolluan atë, ku u zbulua se ai nuk banonte në një vendbanim fiks.
Policia pastaj thello hetimi dhe pikasi shtëpi ku bëhej e mundur dhe kultivimi i kanabisit
Në total, jo më pak se pesë vila ishin marrë me qira nga grupi dhe në to rritej dhe kultivohej lëndë narkotike.
Shqiptarë në lagje shfaqeshin si njerëz të rregull dhe nuk kishin pasur kurrë probleme me pronarët e vilave.
Në total, gjatë aksionit janë sekuestruar jo më pak se 3,000 bimë kanabisi të gjetura në gjashtë shtëpi të marra me qira. Nuk ka nevojë të thuhet, pronarët janë të tronditur!
I kontaktuar nga mediat në Bruksel, shefi i trupave të zonës së Montgomery kishte refuzuar të komentojë mbi ecurinë e këtij hetimi i cili ende mund të vijojë, por megjithatë është shumë i kënaqur me “punën e jashtëzakonshme” të bërë nga ekipet e tij. TIRANA TODAY
