Është përfolur shumë që origjina e tij të jetë shqiptare, bëhet fjalë për yllin e Wresling, por që tashmë është edhe aktor filmash, John Cena. Një lidhje 6 vjeçare dashurie me Nikki Bella, që rreth një vit më parë u kurorëzua me fejesë dhe pritej që ta kurorëzonin me martesë, tashmë i ka ardhur fundi.
Lojtari i njohur i Wrestling dhe i shumë komentuar për prejardhjen shqiptare, me rolet e tij në ring ka fituar miliona fansa në të gjithë botën. Në prill të vitit të kaluar ai i propozoi Nikkit në ring dhe këtë maj ata kishin planifikuar të martoheshin.
Lajmi është bërë i ditur përmes një postimi në Twitter nga Bella këtë të hënë. Ajo shkruan:
“Pas shumë mendimeve dhe gjashtë viteve që kemi qenë bashkë, u ndamë si çift. Ishte një vendim i vështirë për të dy, por vijojmë të kemi shumë respekt për njëri-tjetrin. Kërkojmë të respektoni privatësinë e jetëve tona.”
