Nga Federata Shqiptare e Futbollit nuk ka asnjë konfirmim, ose të paktën nuk kanë zyrtarizuar gjë akoma, por në tetor Shqipëria do të luajë një miqësore kundër Jordanisë. Lajmi është zyrtar, duke iu referuar federatës së Jordanisë, që të paktën në aspektin e informacionit është përpara nesh, sepse ka publikuar listën e miqësoreve të saj deri në fund të vitit.
E renditur në vendin e 117-të në renditjen e FIFA-s, Jordania po përgatitet për Kupën e Azisë 2019, ndaj ka planifikuar disa miqësore të rëndësishme deri në fund të vitit.
Mes tyre, një miqësore në Kinë në 26 maj, një në Kroaci dhe një miqësore në Shqipëri, kundër kombëtares kuqezi, më 10 tetor. Ajo sfidë do të luhet 4 ditë para përballjes me Izraelin në Nations League.
