Qyteti i vjetër i Mosulit, përjetoi përleshjet më të ashpra në luftën kundër ISIS-it. Vetëm një pjesë e familjeve që jetonin këtu dikur, kanë qenë të gjendje të rikthehen. Nëntë muaj më pas, ka ende kufoma që dergjen rrugëve të qytetit. Dhe kjo e bën jetën të padurueshme. Ka trupa të pajetë nën rrënoja. Ne kemi frikë se mos shpërthen ndonjë epidemi në këtë zonë. Kutërbimi është i tmerrshëm. Era është thjesht…
Mos e dhëntë Zoti, qyteti rrezikon të sëmuret. Çfarë u thoni fëmijëve për situatën aktuale? Unë shqetësohem kur ata dalin të luajnë jashtë. Kur vijnë në shtëpi, ngjiten lart në tarracë, por ajo është e dëmtuar. Jam vërtetë e shqetësuar se mund t’u ndodhë ndonjë gjë. Kur një fëmijë jeton mes rrënojave, mes varrezave dhe bombardimeve, jeta e tij është e shkatërruar. Ai më thotë: “Babi, hap sytë në mëngjes shoh bombardime.
Hap sytë ditën tjetër, dhe shoh trupa njerëzish të vdekur. Hap sytë dhe shoh ISIS-in. Vetëm një grup po përpiqet ta zgjidhë këtë problem. Vullnetarë që kanë ndërmarrë detyrën e vështirë të zhvendosjes së kufomave nga rrënojat. Ekipi drejtohet nga Sroor Al Hosayni, një ish-infermiere 23 vjeçare. Djema, vendosni maskat. Shumë nga pjesëtarët e tjerë, janë edhe më të rinj.
Disa janë studentë të mjekësisë, të tjerët miq të tyre, pa asnjë lloj trajnimi qoftë edhe formal për menaxhimin e kufomave. Ata thonë se kanë nxjerrë dhe futur në thasë plastikë, më shumë se 350 trupa. Kjo është kocka e një njeriu. Shumë nga këto mbetje njerëzore, i përkasin luftëtarëve të ISIS-it.
Një nga arsyet se përse janë lënë të paprekur, është urrejtja e thellë që autoritetet kanë për pushtuesit e tyre të djeshëm. Agjencitë qeveritare, nuk shqetësohen aspak për këtë çështje. Këto trupa që janë lënë nëpër rrënoja, do të shkaktojnë sëmundje. Por ata nuk e vrasin mendjen se çfarë them unë. Ata më thanë: “Lëri të qëndrojnë aty!’.
