Partizani është duke përjetuar një ndeshje tmerruese në Kukës, ku këta të fundit kanë gjetur tre herë rrugën e rrjetës që në pjesën e parë. Djemtë e Dalipit kanë dhënë shumë pak shkëndija për të reaguar dhe i vetmi pretendim ishte një penallti e kërkuar nga Cani. Ndërsa për vendasit ka shënuar dopietë Guri dhe një gol Dzaria.
8′ Guri shënon golin e parë të takimit, teksa pas krosimit të Shkodrës, arrin të shënojë pasi gjendet i pambuluar në zonën kundërshtare.
28′ Dzaria shënon golin e dytë për Kukësin, pas gabimeve në mbrojtje të Partizanit. Guri dhuron një top të bukur në brendësi të zonës, të cilën mesfushori nuk e fal.
39′ Guri shënon dopietën personale dhe golin e tretë për Kukësin, teksa në një duel në ajër ka mposhtur Atandën dhe Hoxhën. Kukësi-Partizani 3-0.
