Detaje të reja kanë dalë në lidhje me sulmin e para tre ditëve në Fier. Gjatë dëshmisë që dhanë Boraqajt bëhet me dije se ishte nipi i cili vuri re se diçka nuk shkonte.

Nipi i pronarëve të lokalit, i cili është kamerier, tregoi se para se të qëllohej ai vërejti lëvizje të dyshimta.

Ky ka qene momenti kur ai bërtiti: “Largohuni se do na qëllojnë”, “do na vrasin”.

Ky ka qenë momenti kur dy vëllezërit Boriqi dhe klientët u fshehën ne ambientet e brendshme të lokalit, duke u shmangur nga rrezja e plumbave.

20 plumba automatiku u derdhën mbi fasadën e barit, por për fat nuk pati të lënduar.

Autorët u larguan me shpejtësi dhe braktisën mjetin në periferi të qytetit. Policia nuk ka zbardhur ende shkakun e ngjarjes, edhe pasi Boriqët u morën në pyetje. Ata kanë thënë se nuk kanë probleme me njeri dhe nuk dyshojnë tek askush.

Një burim i policisë i tha ABC Neës kjo dëshmia e tyre mund të jetë shmangie ndaj së vërtetës. Megjithatë ende nuk janë gjetur gjurmët e autorëve të ngjarjes

Makina e cila u la afër stacionit të trenit u shkrumbua dhe policia gjeti në brendësi të saj edhe armën e krimit dhe një karikator.