12 Prill 1961– Bashkimi Sovjetik fiton garën hapësinore
Bashkimi Sovjetik mund Shtetet e Bashkuara të Amerikës në garën për të çuar në hapësirë njeriun e parë. Në orën 7 të mëngjesit, Majori Yuri Alexeyevich Gagarin u shkëput nga toka në bordin e anijes hapësinore Vostok, nga qendra e lëshimit në Kazakistan.
Gagarin udhëtoi përreth orbitës së Tokës për 108 minuta, duke lëvizur me një shpejtësi prej më shumë se 27 mijë kilometrash në orë, përpara se të zbriste në një vend të fshehtë. Udhëheqësi sovjetik Nikita Hrushovi, e përgëzoi majorin Gagarin për arritjen e tij. Ai i dërgoi kozmonautit një mesazh nga shtëpia e tij e pushimit në Detin e Zi.
“Fluturimi i kryer nga ju, hap një faqe të re në historinë e njerëzimit dhe pushtimin e hapësirës prej tij”- u shpreh Hrushov në atë mesazh. Ndërkohë radioja e Moskës ndërpreu transmetimet e rregullta, për t’i dhënë kombin lajmin e jashtëzakonshëm. Kthimi i sigurt i Gagarin në tokë, hodhi poshtë shqetësimet se fluturimi në hapësirë do të ishte fatal për njerëzit.
Ngjarja ishte një goditje për amerikanët, që kishin shpresuar të ishin të parët që dërgonin një njeri përtej atmosferës së Tokës. Megjithatë, presidenti Xhon Kenedi i përgëzoi sovjetët për arritjen e tyre. 27-vjeçari Gararin u trajnua fshehtazi për më shumë se dy vjet. Ushtaraku i panjohur më parë, ishte shndërruar në një hero kombëtar.
Por ai zhgënjye shpejt teksa u ndalua të kryente misione të tjera hapësinore, pasi shteti sovjetik e cilësonte shumë më të vlefshëm si një mjet propogande, dhe nuk deshte të rrezikonte jetën e tij. Gagarin u dha shumë pas pijes, dhe nisi të fliste publikisht kundër drejtuesve sovjetikë.
Në vitin 1968, vdes në një aksident ajror në rrethinat e Moskës, në rrethana shumë të dyshimta. Ndërkohë amerikanët “u hakmorën” duke i mposhtur sovjetikët pak vite më vonë, me vendosjen e një rekordi edhe më mbresëlënës:dërgimin e njeriut në Hënë më 11 korrik 1969.
12 Prill 1633 – Galileo Galilei dënohet për herezi
Inkuizitori kryesor, Atë Vincenzo Maculano da Firenzuola, i emëruar posaçërisht nga Papa Urbani VIII, nis gjykimin e fizikanit dhe astronomit të njohur italian Galileo Galilei. Galileo
u urdhërua të kthehej në Zyrën e Shenjtë për të filluar gjyqin, për shkak të besimit se Toka rrotullohet rreth Diellit, një tezë që konsiderohej heretike nga Kisha Katolike.
Pranoi e pranoi fajin, për të mos pësuar ndëshkimin kapital, Galileo ra dakord të mos u mësonte më njerëzve këtë herezi, dhe e kaloi pjesën tjetër të jetës së tij në arrest shtëpiak. U deshën më shumë se 300 vjet, që Kisha të pranonte se Galileu kishte të drejtë dhe të shpallte pafajësinë e tij.
12 Prill 1665 – Murtaja e Madhe godet Londrën
Ky ishte shpërthimi i fundit i epidemisë së tmerrshme në Angli. Sipas të dhënave zyrtare, vlerësohet se humbën jetën rreth 75.000 persona nga një popullsi e përgjithshme prej 460.000 banorësh, ndërsa më të goditurit ishin të varfërit. Kryeqyteti anglez ishte prekur nga Murtaja edhe në vitin 1636, kur vdiqën rreth 10.000 njerëz, më 1625-ën kur pati 35.000 viktima, dhe në vitin 1603, kur Murtaja vrau mbi 30.000 londinezë.
Epidemia mendohej se ishte përhapur nga Hollanda, ku sëmundja kishte goditur me ndërprerje që nga viti 1599, e sjellë në vend nga anijeve tregtare holandeze që mbërrinin me mallra nga lindja e Azisë.
12 Prill 1997 – Shmanget atentati me bombë ndaj Papa Gjon Palit II në Bosnje Hercegovinë
Papa zhvillon një vizitë 2-ditore në Sarajevën e shkatërruar nga lufta. Vetëm pak orë më parë policia boshnjake zbuloi të paktën 20 mina anti-tank nën një urë në rrugën midis aeroportit dhe qytetit, ku parashikohej të kalonte edhe Papa me delegacionin e që e shoqëronte.
Eksplozivët u zbuluan pas një sinjalizimi nga një qytetar, që kishte parë dikë të vepronte në mënyrë të dyshimtë pranë urës. Papa Gjon Pali II, donte të vizitonte Sarajevën në kulmin e luftës në shtatorin e vitit 1994, kur qyteti ishte nën rrethim nga serbët.
Por serbët thanë se nuk mund të jepnin garanci për sigurinë e tij, dhe udhëtimi ishte anuluar. Vizita e Papës, synonte të lehtësonte tensionet midis të krishterëve ortodoksë, kroatëve katolikë dhe myslimanëve në Bosnje.
12 Prill 1204 – Pas një rrethimi të gjatë kryqtarët e Kryqëzatës së Katërt, kapërcejnë muret e Konstandinopojës dhe një ditë më pas plaçkisin qytetin.
12 Prill 1654 – Në Londër shpallet bashkimi i Anglisë dhe Skocisë. Mbretëria e Bashkuar miratohet nga Këshilli i Shtetit.
12 Prill 1857 – Në Francë, shkrimtari Gustav Flober boton romanin “Madam Bovari”, një rrëfim klasik i dashurisë dhe ndëshkimit; portret i gruas dhe tradhëtisë bashkëshortore.
12 Prill 1861 – Në SHBA shpërthen Lufta Civile, kur Fort Sumter në Karolinën e Jugut, sulmohet nga rebelët.
12 Prill 1894 – Britania dhe Belgjika nënshkruajnë një marrëveshje të fshehtë për ndarjen e Afrikës Qendrore.
12 Prill 1931 – Votuesit spanjollë refuzojnë monarkinë, duke shkaktuar përçarje të cilat çuan 5 vite më vonë në Luftën Civile.
12 Prill 12 Prill 1935 – Gjermania naziste ndalon botimin për shkrimtarët “jo-arianë”.
12 Prill 1945 – Vdes nga një goditje celebrale presidenti amerikan Frenklin D. Ruzvelt. Zv/presidenti Herri S. Truman emërohet president në vendin e tij.
12 Prill 1955 – Vaksina e kundër poliomielitit, e zhvilluar nga mjeku amerikan Xhonas Salk u shpall “e sigurt, efektive dhe e fuqishme”.
12 Prill 1999 –SHBA, gjykatësja federale Susan Ueber Rajt shpall fajtor presidentin Bill Klinton për shpërfillje të gjykatës, pasi kishte gënjyer në lidhje me marrëdhëniet e tij me praktikanten e Shtëpisë së Bardhë, Monika Levinski.
