Policia arriti të identifikonte në një kohë rekord vrasjen e ndodhur ditën e djeshme të 28-vjeçarit Marjo Majollari, policia që ditën e djeshme ka drejtuar hetimet në pistën e hakmarrjes ne lidhje me vrasjen që i ati i Marjos kishte kryer ne vitin 2000.
E ndodhur në këtë situatë policia ka nisur menjëherë hetimet duke u përqendruar tek familjarët e viktimave të vitit 2000, mungesa e Kastriot Gjuzit ka ngritur dyshimet tek polica.
Pas pyetjes së dëshmitarëve okularë dhe provave , policia ka mundur të identifikojë autorin e dyshuar dhe ta shpallë atë në kërkim.
Emri i tij është shpërndarë edhe në pikat e kalimit kufitar, pasi ekziston frika se ai mund të largohet nga Shqipëria.
Gjuzi për shumë vite ka jetuar në Itali dhe s’kishte shumë kohë që ishte kthyer në Shqipëri.
Policia tha se Gjuzi është person me precedentë penalë, i dënuar më parë. Por deri tani mësohet se ndalimi i vetëm që i është bërë nga policia është në qershor të vitit 2015.
