Skandal/Dhunohet barbarisht sulmuesi i Laçit në Kamëz

Një ngjarje e pazakontë ka ndodhur gjatë ditës së sotme në Kamëz, ku sulmuesi nga Mozambiku i Laçit është dhunuar barbarisht. Menjëherë pas kësaj ngjarje Arturo Rexhinaldo bashmë me partneren e tij i janë drejtuar policisë, por akoma nuk ka një kallzim zyrtarë nga ana e futbollistit.

Rexhinaldo pas dhunës së ushtruar ditën e sotme ka mbetur i shokuar dhe i kontaktuar nga “Panorama Sport” nuk ka pranuar të japë shumë detaje për ngjarjen në fjalë. Sulmuesi i Laçit, nuk pranoi të jepte detaje, edhe pse la të kuptohet se gjithçka e raportuar ka ndodhur. “Për këtë çështje nuk mund të flas tani, nuk mund të jap sqarime. Më mirëkuptoni…”, – është shprehur mozambikasi, i cili u bë i njohur në Shqipëri gjatë sezonit të kaluar me Luftëtarin, ndërsa këtë kampionat me Laçin ka shënuar 12 gola. Rexhinaldo nuk sqaroi nëse ka bërë këllëzim penal në polici për personin që e ka dhunuar.