Nga Prof. Kristo Muzaka/NATO dhe BE priten të miratojnë sanksione shtesë për Rusinë dhe ky lajm ka alarmuar Moskën dhe ka vënë në gatishmëri të gjitha përfaqësitë diplomatike ruse nëpër botë. MEPJ shqiptare ka hartuar një listë të plotë me diplomatë rus në Tiranë të cilët më sa duket do të kërkohen të largohen.
Në fokus janë atashetë ekonomik dhe kulturor të cilët prej javësh janë në qendër të vëmendjes së opinionin publik shqiptar e të huaj, për momentin nga ambasada ruse nuk ka patur asnjë reagim përveç faktit të heqjes së vizave për shtetasit rus. Kjo situatë e krijuar ka shtuar shqetësimet e ambasadës ruse në Tiranë e cila ka reaguar me deklarata të parapërgatitura se Rusia do të reagojë nëse vazhdon dëbimi i agjentëve rus të atashuar në Tiranë.
Moska prej disa javësh po kryente zëvendësimet e diplomatëve të larguar dhe dëbimet e reja nuk priteshin të ndodhnin. Burime të pakonfirmuara afër Moskës kanë deklaruar se ambasadat ruse në Tiranë, Maqedoni e Mal të Zi pritet të shkurtohen në numër dhe se zëvendësimet e të dëbuarve do të kryhen brenda muajit prill.
Këto lëvizje diplomatike tregojnë se Moska po përballet me fuqitë e mëdha dhe se dëbimi i diplomatëve të tjerë do ta përkeqësojnë situatën gjeopolitike në Ballkan. Ambasada ruse në Tiranë duket se po përballet me shpalljen non grata të diplomatëve undercover dhe Kremlini për momentin po pret së cilët nga diplomatët e saj do të dëbohen para se të emërojë zëvendësuesit e të larguarve./Faktor.al
