Opozita ka qenë në mbështetje të qytetareve të cilët dolën në protestë ditën e sotme, duke i kërkuar kryeministrit Rama heqjen e taksës dhe uljen e tyre .
E ndërsa qytetarët shpresojnë se kjo protestë do ti shërbejë për të plotësuar kërkesat e tyre, të vjen keq kur shikon se si protestojnë dhe ata që s`kanë se ku ti çojnë lekët.
E tillë ka qenë situata në rreth-rrotullimin e Milotit, ku përfaqësues të opozitës kanë luajtur me mjerimin e atyre që dje dhe sot kërkojnë thjesht një kafshatë më shumë.
Teksa Flamur Noka dhe Bardh Spahia kanë udhëhequr protestuesit duke kërkuar rrëzimin e qeverisë, një makinë luksoze ka tërhequr vëmendjen e tubuesve.
Ish-ministri Noka zgjodhi të shkojë me Mercedesin e tij luksoz G Class, e cila kushton së paku 125 mijë dollarësh dhe modelet e saj nëpër botë janë të limituara në prodhim.
Noka i ka shpërndarë protestuesve disa bidona ujë dhe më pas është larguar.
