Ambasadori amerikan në Shqipëri, Donald Lu, i pranishëm në një aktivitet, i ka bërë një thirrje të fortë qeverisë shqiptare, për angazhimin total që duhet të tregojë, jo vetëm politikisht, lidhur me trajtimin e femrave dhe grave që dalin nga kthetrat e trafikimit.
Lu deklaroi mbështetjen e plotë të SHBA-së , në projektin për integrimin e grave dhe vajzave të trafikuara.
Ai theksoi se shumë gra e vajza janë trafikuar dhe për këtë duhet jo vetëm të dënohen trafikantët, e vajzat që mbahen në strehat përkatëse, por kur të dalin prej tyre të jenë të sigurta dhe me vetëbesim.
“Qëllimi afatgjatë nuk është vendosja e viktimave në streheza, por që të dalin prej tyre me aftësi, siguri financiare dhe vetëbesim. I bej thirrje qeverisë në gjithë rajonin, por vecanërisht asaj në Shqipëri të ofrojnë fonde për strehëzat e grave dhe fëmijëve që trafikohen. Këtu ka nevojë që qeveria jo vetëm të angazhohet politikisht për financimin, por edhe ti dorëzojë me të vërtetë këto fonde dhe pa vonesa. Keni mbështetjen tonë të plotë”- tha ai.
