Një aksident rrugor me pasojë një të vdekur dhe një i plagosur ka ndodhur në aksin rrugor Gjirokastër-Tepelenë. Sipas të dhënave të para mësohet se një makinë është përplasur me një zetor pranë vendit të quajtur “Ura e Kardhiqit”.
Nuk dihen ende rrethanat sesi ka ndodhur ngjarja, ndërsa mësohet se i plagosuri i cili është dërguar në spitalin e Gjirokastrës, ndodhet në gjendje të rëndë.
Policia ka mbërritur në vendngjarje dhe ka nisur hetimet për zbardhjet e plotë të rrethanave dhe shkaqeve të aksidentit. Ende nuk dihen emrat e personave të përfshirë në aksident. Sipas policisë, në aksident ka mbetur i vdekur drejtuesi i makinës.
