Në fazën e hetimeve paraprake Gjykata e Shkallës së Parë Lezhë ka vendosur sekuestrimin e disa pronave, të cilat bazuar në hetimet e kryera rezulton se janë tjetërsuar në mënyrë abuzive. Gjithashtu janë sekuestruar edhe të gjithë transaksione e kryera mes palëve.
Kujtojmë se deri tani janë arrestuar 12 persona, ndërsa janë shpallur në kërkim edhe 11 të tjerë. Në radhën e të arrestuarve është edhe kreu i Bashkisë së Lezhës, Fran Frrokaj, i cili duke ushtruar kompetencat e kreut të bashkisë ka shpejtuar procedurat për tjetërsimin e pronave.
Policia përmes një deklarata për mediat ka dhënë detaje mbi operacionin, ndërsa ka paralajmëruar se hetimet po vijojnë intensivisht për identifikimin e shkeljeve të tjera dhe arrestimin e personave të përfshirë. Abuzimin me pronat ka q e në një shqetësim, i cili është ngritur edhe nga ministri i Brendshëm, Fatmir Xhafaj teksa qëndronte në qytetin e Lezhës.
Pas verifikimeve të Këshillit të Lartë Shtetëror, rezulton se skema e mashtrimeve është shumë e gjatë, por pas veprimeve konkrete është bërë e mundur edhe kapja i disa personave. Nga mashrtrimi, këta persona kanë tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”, e cila është një zonë turistike me shumë vizitorë. Tjetër sipër faqe e madhe toke e sekuestruar nga Gjykata e Lezhës ë shtë ajo prej 13 730 m2 në pronësi të shtetasit Zef Ndue Gjini.
Pronat e sekuestruara në Lezhë dhe transaksionet pasurore
–Pasuria me nr. 938/4 zona kadastrale 2568, e regjistruar në kartelën e pasurisë volumi 6, faqe 10 me sipërfaqe totale 210.306 m2 si dhe transaksionet që janë bërë më pas mbi këtë pasuri.-
–Pasuria me nr. 959/1 zona kadastrale 2568, e regjistruar në kartelën e pasurisë volumi 6, faqe 10 me sipërfaqe 7382 m 2. si dhe transaksionet që janë bërë më pas mbi këtë pasuri.
–Pasuria me nr. 552/2 zona kadastrale 2569, e regjistruar në kartelën e pasurisë volumi 6, faqe 216 me sipërfaqe 16107 m 2, si dhe transaksionet që janë bërë më pas mbi këtë pasuri.
–Pasuria me nr. 821/19 zona kadastrale 2568, e regjistruar në kartelën e pasurisë volumi 6, faqe 42 me sipërfaqe 25296 m 2, si dhe transaksionet që janë bërë më pas mbi këtë pasuri.
–Pasuria me nr. 921/18 zona kadastrale 2568, e regjistruar në kartelën e pasurisë volumi 6, faqe 131 me sipërfaqe 25146 m 2, si dhe transaksionet që janë bërë më pas mbi këtë pasuri.
Gjykata e Shkallës së Parë Lezhë me vendimin nr.53, datë 16.11.2017 ka pranuar kërkesën e Prokurorisë Lezhë dhe ka vendosur masën e sekuestros preventive për një sipërfaqe toke prej 13 730 m2, pronë e regjistruar në pronësi të shtetasit Zef Ndue Gjini, regjistrim i cili është bërë në bazë të aktit të marrjes së tokës në pronësi nr.5594, lëshuar në datë 06.09.2003 Mali i Shëngjinit.
