Një divorc në familjen Trump ka bërë bujë të madhe në mediet ndërkombëtare. Djali i madh i kësaj familje, Donald Trump Jr ka nisur procedurat e divorcit me bashkëshorten e tij, Vanessa Trump, pas 12 viteve martesë.
Çifti ka 5 fëmijë, ndërsa mësohet se është pikërisht bashkëshortja e Donald Trump JR ajo që ka kërkuar divorcin.
Kanë qenë korrespondentët e Shtëpisë së Bardhë të CNN që publikuan lajmin me një deklaratë në Twitter, ku çifti ka pranuar ndarjen.
Në këtë deklaratë ata shkruanin: “Pas 12 vitesh martese, ne kemi vendosur të shkojmë në rrugët tona të ndara. Ne gjithmonë do të kemi respekt për njëri-tjetrin dhe për familjet tona. Ne kemi pesë fëmijë të bukur së bashku dhe ato mbeten përparësia jonë kryesore.”
Vanessa dhe Donald Jr kanë qenë një çift perfekt, ndërsa mediet e huaja raportojnë se tradhtia e djalit të presidentit amerikan mund të ketë çuar në ndarjen e tyre.
