Kryeprokurorja Arta Marku tha sonte se nuk mund të flas në publik nëse është në hetim Adriatik Llalla. E ftuar sonte në emisionin “ Real Story” Marku tha se është ndjerë keq nga vendimi i Departamentit Amerikan të Shtetit i cili i ndaloi hyrjen në SHBA të familjes së Llallës. Ajo tha së është ndjerë ashtu si duhet të ishin ndjerë të gjithë zyrtarët e këtij shteti. Ndërsa për opinioni për ish-kryeprokurorin ajo tha se ngjan të njëjtin mendim për atë që flitet më media.
“Kam një opinion për Adriatik Llallën, por për të ka folur publiku dhe nuk ja vlen të përsëris asgjë për të. Ndaj të njëjtin mendim me publikun. Jam ndjerë shumë keq kur Adriatik Llallës i është ndaluar hyrja në SHBA. Ashtu si duhet të ishte ndjerë çdo zyrtar i këtij shteti.
DASH është treguar gjithmonë i gatshëm për të bashkëpunuar me prokurorinë. Prokuroria ka marrë përgjegjësitë e veta që i ngarkon kushtetuta dhe ligji, por nuk mund të flas nëse Llalla është në hetim apo jo”, deklaroi Marku.
Ndërkohë për lëvizjet që ka bërë deri tani në prokurori ajo sqaroi se janë bërë të mirë menduara dhe nuk ka pasur asnjë ndikim. Ajo tha se ka parë punën e çdo prokurori dhe ka vendosur në krye të prokurorive në rrethe ato që dukën më të përshtatshëm.
“Nuk mund të them se nuk është punuar në prokurori deri në momentin që unë kam ardhur në krye. Por ka pasur shumë probleme që unë i kam parë në analizën e punës në çdo prokuror. Ka pasur zvarritje të hetimeve, me çështje që nuk ishte punuar. Ka pasur çështje që ishin bllokuar dhe pezulluar por për të cilat unë nuk mund të them arsye.
Lëvizjet e mia ne prokurori kanë qenë të menduara mirë dhe nuk kanë qenë të nxituara.
Ju garantoi se nuk ka asnjë lidhje shkak pasojë me ato që kam bërë deri tani. Janë lëvizje qe i km menduar mirë. Nuk ka pasur asnjë lidhje me emërimet e paraardhësit tim. Nuk kam bërë lëvizje të nxituara. E fundit të gjithë prokuror jemi, pavarësisht se kush është drejtues”, tha Marku.
Marku tha se pas vitit 2012 ka filluar një zbehje e punës së policisë me prokurorinë në mbarë vendin. Ajo tha se ka pasur lëvizje të shumta prokurorësh. Ajo shpjegoi se nuk di të thotë pse ndodhi por ndoshta kishte hyrë në atë rrugë që duhet të ndodhte.
“Unë kam qenë vetë pjesë e sistemit dhe i kam ndjerë kritikat dhe i kam parë nga afër gjerat që nuks shkojnë. Kam reaguar duke mbrojtur punën tonë personale. Problemet në drejtësi nuk kanë ardhur vetëm nga lart por ka pasur shumë probleme.
Ka pasur momente kur policia dhe prokuroria kanë bashkëpunuar në mënyrë perfekte. Por bashkëpunimi erdhi duke u zbehur me kalimin e kohës.
Pas vitit 2012 filloj të zbehet puna e Task Forcës dhe bashkëpunimi i policisë më prokurorinë. Ka pasur lëvizje të shumta prokurorësh. Nuk di të them pse ndodhi por ndoshta kishte hyrë në atë rrugë që duhet të ndodhte,” deklaroi Marku.
