Kryetarja e LSI-së, Monika Kryemadhi deklaroi se Edi Rama duhet të iki nga qeveria nëse vendit nuk i hapen negociatat. E ftuar sonte në emisionin ‘Repolitix’ Kryemadhi u shpreh se LSI dhe PD kanë mbajtur qëndrime të përgjegjshme lidhur me integrimin e vendit.
“Nëse nuk hapen negociatat është faji i Ramës, nuk është as i LSI dhe as PD. Ne kemi miratuar çdo reformë që ka pasur të bëjë me integrimin”, tha Kryemadhi.
Kryetarja e LSI-së ka folur dhe për reformën në drejtësi. Ajo tha se sjellja e PS dhe vendimet e njëanshme e kanë dëmtuar reformën dhe sollën zgjedhjen e një kryeprokuroreje pa vetting.
“Prokurorja e Përgjithshme është një grua shumë e nderuar, por duhet të ketë kujdes që të mos përdoret nga segmente të politikës,deklaroi Kryemadhi.
